Qo‘qon shahar hokimi Marufjon Usmonov, Qo‘qon shahar prokurori Alisher Nazarov, Qo‘qon shahar ichki ishlar boshqarmasi boshlig‘i, polkovnik Anvarjon Parpiyev, sog‘liqni saqlash, mahalla, ekologiya, favqulodda vaziyatlar bo‘limi mutasaddilari ishtirokida "Indorama Kokand Feritilizers and Chemicals" korxonasi joylashgan hududda istiqomat qilayotgan va 16-may kuni sodir bo‘lgan favqulodda holat yuzasidan shikoyatlar bilan murojaat qilgan fuqarolar xonadonlariga tashrif buyurib mavjud muammo-masalalarni o‘rgandilar. Xususan, salomatligidan shikoyat qilgan fuqarolarga bepul dori-darmon, sog‘lomlashtirish sanoatoriyalariga bepul yo‘llanmalar, mehnat faoliyatidagi uzilishlardan shikoyat qilgan fuqarolarga, qonunda belgilangan tartibda moddiy yordam ko‘rsatish yuzasidan ko‘rsatmalar berildi.