✅ Seminar doirasida joriy mavsumdagi don urishi jarayonlari, xususan texnik va tashkiliy masalalar, logistika va don saqlash imkoniyatlari muhokama etildi. 📊 Ayni paytda tumanda jami 4800 gektar maydonda don yetishtirilgan bo‘lib, umumiy hisobda 14700 tonna don hosili yetib kelishi kutilmoqda. 🚜 Don yig‘im-terimi ishlarini samarali tashkil etish maqsadida tumanda 14 ta urum otryadi shakllantirilgan hamda 90 ta maxsus transport vositalari donni daladan qabul punktiga tashishga jalb etilgan. 👨‍🌾 Seminar ishtirokchilari orasida fermerlar, agronomlar, mexanizatorlar hamda sohaning tajribali mutaxassislari bo‘lib, ular tomonidan mavsum davomida yuzaga kelishi mumkin bo‘lgan muammolar va ularning yechimlari yuzasidan taklif va tavsiyalar bildirildi. 📌 Bunday seminarlar qishloq xo‘jaligi sohasida amalga oshirilayotgan islohotlarni joylarda samarali tatbiq etish, fermerlarni amaliy qo‘llab-quvvatlash va yuqori hosildorlikka erishishda muhim ahamiyat kasb etadi.