Erta tongdan Farg‘ona tumanida «Do‘stlik va hamjihatlik ulug‘langan yurt», «Vatan yagonadir, Vatan bittadir», «Qudratimiz – birlik va hamjihatlikda», «Do‘st bilan obod uyimiz», «Qo‘shnichilik – ming yilchilik», «Birlashgan o‘zar», «Buyuk kelajakni birga quramiz» shiorlari ostida madaniy-ma‘rifiy tadbirlar ko‘tarinki kayfiyatda boshlandi. Bugungi bayram tantanalari o‘zgacha ruhda o‘tishi kutilmoqda. Sababi, tatar, slavyan, nemis va qirg‘iz milliy-madaniy markazlari faollari hamkorligida targ‘ibot karvoni Farg‘ona tumaniga yo‘l oldi. Hududlarda o‘tkaziladigan tadbirlarga o‘zgacha zavq bag‘ishlashi, bayram shukuhini yanada yuksaklarga ko‘tarishi kutilmoqda. Bu tashabbus yurtimizda millatlararo do‘stlik va bag‘rikenglik muhitining mustahkamligini yana bir bor namoyon etadi. Bayram tantanalari davom etmoqda.