Farg‘ona tumani "Yuqori Vodil" mahalla fuqarolar yig‘inida madaniy-ma‘rifiy bayram tadbiri ko‘tarinki ruhda o‘tkazildi. Tadbirda tatar, slavyan, nemis, rus, tojik va qirg‘iz milliy-madaniy markazlari faollari, shuningdek, Farg‘ona shahar va tuman Madaniyat bo‘limlari hamda musiqa maktablari o‘quvchilari tomonidan tayyorlangan milliy sahna ko‘rinishlari va bayram dasturlari namoyish etilib, tomoshabinlarga katta taassurot qoldirdi. Shuningdek, "Turon" yoshlar teatr studiyalari tomonidan milliy qadriyatlarimizni tarannum etuvchi sahna ko‘rinishlari namoyish etildi. Ushbu chiqishlar tadbirga yanada fayz bag‘ishlab, yurtimizdagi millatlararo do‘stlik va hamjihatlik muhitining mustahkamligini yana bir bor namoyon etdi.