1. Bosh sahifa
2. Yangiliklar

Ватанни мардлар қўриклайди

×

Бугун Бешариқ тумани Мудофаа ишлари бўлимида бир гуруҳ мард ўғлонлар Ватан олдидаги шарафли бурчларини адо этиш мақсадида муддатли ҳарбий хизматга кузатилди. 
Кузатиш маросимида туман ҳокимлиги, Мудофаа ишлари бўлими ва бўлажак аскарларнинг ота-оналари иштирок этдилар.
Тадбирда сўз олган туман ҳокими ўринбосари О.Алиматов  ёшларга Ватан олдидаги йигитлик бурчини шараф билан ўташига омад тилаб, Амир Темур, Бобур, Жалолиддин Мангуберди каби буюк аждодларимиз жасоратига содиқ бўлишларига катта ишонч билдирди.
Муддатли ҳарбий хизматга чақирилган ёшларни Қуролли Кучлар сафига кузатишга бағишланган тадбирлар туманда босқичма-босқич амалга оширилмоқда.  
Хусусан, бир муддат аввал, март ойининг дастлабки кунларида ҳам бир гуруҳ ана шундай эр йигитлар ҳарбий хизматни ўташ учун Давлат хавфсизлик хизмати Чегара қўшинлари сафларига кузатиб қўйилган эди.

✍️Бешариқ тумани ҳокимлиги Ахборот хизмати