Yuridik va jismoniy shaxslar tomonidan veb sayt orqali bo'lgan murojaatlar
Jami murojaatlar: 38Ishonch telefoni statistikasi
сессия 61
×
![]()
2022-05-11 20:38:02 177
Туман кенгаши сессияси
Халқ депутатлари туман Кенгашининг навбатдаги олтмиш биринчи сессияси бўлиб ўтдиСессияни туман Кенгаши депутати, “Кўркамсервис” МЧЖ раҳбари Б. Абдусаидов очди ва олиб борди.Сессияда депутатлар кун тартибидаги муҳим масалаларни муҳокама қилдилар. Биринчи масала -туман аҳоли бандлигига кўмаклашиш марказига мурожаат қилган ишсиз фуқароларни ижтимоий ҳимоялаш мақсадида амалга оширилаётган ишлар тўғрисида туман аҳоли бандлигига кўмаклашиш маркази раҳбари Б. Ахуновнинг ҳисоботи эшитилди.Ўзбекистон Республикаси Вазирлар Маҳкамасининг 2021 йил 6 декабрдаги “Уй-жойга муҳтож хотин-қизларни уй-жой билан таъминлаш ҳамда Тошкент шаҳрида бошпанасиз, оғир турмуш шароитига тушиб қолган фуқароларнинг яшаш шароитларини яхшилаш чора-тадбирлари тўғрисида” ги 737-қарори ижроси юзасидан туман ҳокимининг ўринбосари Г. Йўлдошева ҳисобот берди.Ўзбекистон Республикаси Президентининг 2019 йил 8 январдаги “Ҳудудларни комплекс ижтимоий-иқтисодий ривожлантириш бўйича секторлар фаолиятини янада такомиллаштиришга доир қўшимча чора-тадбирлар тўғрисида”ги 4102- қарори ижросини таъминлаш юзасидан амалга оширилган ишлар бўйича туман ИИБ бошлиғи сектор котиби А.Хасанов ҳамда туман ДСИ бириничи ўринбосари З.Эргашев ахборот бердилар. Шунингдек, сессияда туман халқ таълими бўлими тасарруфидаги 3, 40- умумий ўрта таълим мактаблари директорлиги лавозимига тавсия этилган номзодларнинг таълим муассасасини келгуси уч йилликда ривожлантириш дастурларини кўриб чиқиш тўғрисидаги ҳисоботлари ҳам эшитилди.Депутатлар сессия кун тартибидаги ҳамма масалани атрофлича муҳокама қилиб, ўз таклиф ва мулоҳазаларини баён этдилар.
Сессия кўрилган масалалар юзасидан тегишли қарорлар қабул қилди.
