Jamoatchilik fikri asosida shakllantirilgan tadbirlarni tanlab olish va “Fuqarolar tashabbusi jamg‘armasi” hisobidan mazkur tadbirlarga mablag‘lar ajratish to‘g‘risida

O‘zbekiston Respublikasi Prezidentining 2021-yil 13-apreldagi “Budjet jarayonida fuqarolarning faol ishtirokini ta’minlash bo‘yicha qo‘shimcha choratadbirlar to‘g‘risida”gi PQ-5072-sonli va O‘zbekiston Respublikasi Oliy Majlis Senati Kengashining 2021-yil 22-apreldagi KQ-213-IV-sonli qaroriga asosan, jamoatchilik fikri asosida shakllantirilgan tadbirlarni tanlab olish va “Fuqarolar tashabbusi jamg‘armasi” hisobidan mazkur tadbirlarga mablag‘lar ajratish maqsadida, Xalq deputatlari Beshariq tuman Kengashi

QAROR QILADI

1. 1.               Quyidagilar:

O‘zbekiston Respublikasi Prezidentining 2021-yil 13-apreldagi “Budjet jarayonida fuqarolarning faol ishtirokini ta’minlash bo‘yicha qo‘shimcha choratadbirlar to‘g‘risida”gi PQ-5072-sonli va O‘zbekiston Respublikasi Oliy Majlis Senati Kengashining 2021-yil 22-apreldagi KQ-213-IV-sonli qarori asosida joriy yilning 18martidan 7-apreliga qadar o‘tkazilgan uch bosqichdan iborat jamoatchilik fikri asosida tadbirlarni shakllantirish jarayoni natijalari bo‘yicha Beshariq tumani iqtisodiyot va moliya bo‘limi boshlig‘i X.Isroilovning hisoboti;

O‘zbekiston Respublikasi Prezidentining 2023-yil 10-apreldagi “Tashabbusli budjetlashtirish amaliyotini yanada takomillashtirish hamda faol mahallalarni qo‘llabquvvatlash chora-tadbirlari to‘g‘risida”gi PQ-117-sonli qaroriga asosan, Beshariq tumaniga har biri 2 ming tadan ortiq ovoz to‘plagan, lekin g‘olib bo‘lmagan 5 ta takliflarni moliyalashtirish uchun 5 mlrd 450 mln.so‘m qo‘shimcha mablag‘ ajratilganligi ma’lumot uchun qabul qilinsin.

1. 2.               Ishchi guruh xulosalariga asosan, Xalq deputatlari Beshariq tuman Kengashining 2022-yil 5-oktabr kungi VI-70-124-11-153-K/22-sonli qarori bilan tasdiqlangan Nizom talablaridan, shuningdek, O‘zbekiston Respublikasi Prezidentining 2022-yil 10-apreldagi “Tashabbusli budjetlashtirish amaliyotini yanada takomillashtirish hamda faol mahallalarni qo‘llab-quvvatlash chora-tadbirlari to‘g‘risida”gi PQ-117-sonli qaroridan kelib chiqib, “Ochiq budjet” axborot portalida eng ko'p ovoz olib, avtomatik tarzda g‘olib sifatida tanlab olingan hamda har biri 2 mingtadan ortiq ovoz to‘plab g‘olib bo‘la olmagan takliflar “g‘olib” deb topilsin.

Ushbu takliflarni moliyalashtirish bo‘yicha “Manzilli ro‘yxat” ilovaga muvofiq tasdiqlansin hamda ijro uchun qabul qilinsin. Bunda,

jamoatchilik fikri asosida shakllantirilgan tadbirlarni amalga oshirish bo‘yicha

tuzilgan shartnomaga ishlar hajmining ko‘payishi yoki loyihaning o‘zgartirilishi bilan bog‘liq o‘zgartirishlar kiritilishiga yo‘l qo‘yilmaslik;

jamoatchilik fikri asosida shakllantirilgan tadbirlarni moliyalashtirishga

yo‘naltiriladigan tuman budjeti mablag‘lari tuman hokimligi qoshida ochilgan “Fuqarolar tashabbusi jamg‘armasi” shaxsiy g‘azna hisobvarag‘ida jamlangan mablag‘larni boshqa maqsadlarga sarflanishi taqiqlanishi;

O‘zbekiston Respublikasi Prezidentining 2022-yil 10-apreldagi “Tashabbusli budjetlashtirish amaliyotini yanada takomillashtirish hamda faol mahallalarni qo‘llabquvvatlash chora-tadbirlari to‘g‘risida”gi PQ-117-sonli qaroriga asosan, jihozlash bo‘yicha tadbirlarni amalga oshirishning oxirgi muddati iyul oyi hamda qurilish bilan bog‘liq tadbirlarni amalga oshirishning oxirgi muddati avgust oyi belgilab qo‘yilsin.

1. 3.         Tasdiqlangan Manzilli ro‘yxat asosida:

Beshariq tuman iqtisodiyot va moliya bo‘limi (X.Isroilov) tanlab olingan tadbirlarni moliyalashtirilishini ta’minlash maqsadida, buyurtmachi tashkilotlariga tegishli mablag‘ manbasi bo‘yicha (4017) “Fuqarolar tashabusi jamg‘armasi” maxsus hisob raqamlari ochilishini;

Beshariq tuman hokimligi hisobxonasi (T.Matmusayev) Jamg‘arma mablag‘lari hisobidan tegishli buyurtmachi tashkilotlarga mablag‘lar yo‘naltirilishini;

Buyurtmachi tashkilotlar ajratilgan mablag‘larni loyiha-smeta hujjatlari asosida belgilangan tartibda maqsadli ishlatilishi va amalga oshirilgan ishlar bo‘yicha Xalq deputatlari Beshariq tuman Kengashi va tuman hokimligi huzuridagi Ishchi guruhga ma’lumot kiritib borilishini ta’minlasin.

1. 4.         Beshariq tuman hokimligining Axborot xizmati va Beshariq tumani

iqtisodiyot va moliya bo‘limi (X.Isroilov) bilan birgalikda jamoatchilik fikri asosida shakllantirilgan va “g‘olib” deb topilgan tadbirlarning moliyalashtirishi hamda amalga oshirilishi kerak bo'lgan ishlar bo‘yicha ma’lumotlarni “Ochiq budjet” portaliga joylashtirilishi va keng jamoatchilikka muntazam yoritib borilishini ta’minlasin.

1. 5.         Beshariq tuman budjetlarining jamoatchilik fikri asosida shakllantirilgantadbirlarni moliyalashtirishga yo‘naltirilgan mablag‘larining belgilangan maqsadlarda va samarali foydalanilishi hamda mablag‘larning ajratilishi uchun taqdim etiladigan barcha hujjatlarning haqqoniyligiga Ishchi komissiya a’zolari shaxsan javobgarligi eslatib o‘tilsin.
2. 6.         Mazkur qaror ijrosini ta’minlash va nazorat qilish komissiya a’zolarizimmasiga yuklatilsin.

                     Tuman hokimi                                             R.K.Jo'rayev