1. Bosh sahifa
2. Yangiliklar

Ma’muriy huquqbuzarliklarga oid ishlar jinoyat ishlari bo`yicha sudlar tomonidan ko`riladi

×

O`zbekiston Respublikasining 2021 yil 12 yanvardagi “Sud qarorlarini qayta ko`rish institutining takomillashtirilishi munosabati bilan O`zbekiston Respublikasining Ma’muriy javobgarlik to`g`risidagi kodeksiga o`zgartish va qo`shimchalar kiritish haqida”gi O`RQ–665-sonli Qonun bilan Ma’muriy javobgarlik to`g`risidagi kodeksga o`zgartish va qo`shimchalar kiritildi.

Kiritilgan o`zgartishlarga ko`ra, ma’muriy huquqbuzarliklarga oid ishlar endilikda jinoyat ishlari bo`yicha sudlar tomonidan ko`riladi.

Endilikda fuqarolar o`z hisobidan ma’muriy bayonnomaning ko`chirma nusxasini, shuningdek, sud majlisining audio yoki videoyozuvini olishga haqli.

Ma’muriy huquqbuzarlik to`g`risidagi qaror ustidan ma’muriy bayonnomani tuzgan organ tomonidan ham shikoyat berilishi mumkin.

Ma’muriy huquqbuzarliklarga oid ishlarni nazorat tartibida ko`rish bekor qilinib, apellyatsiya instantsiyasi joriy etildi.

Sud hujjatining noqonuniyligi, asoslantirilmaganligi bilan bir qatorda ularning adolatsizligi ham sud hujjatini kassatsiya tartibida o`zgartirish yoki bekor qilish uchun asos bo`lishi belgilandi.

Kassatsiya instantsiyasi sudi ma’muriy huquqbuzarlik to`g`risidagi ishni Oliy sud raisi, Bosh prokuror yoki ularning o`rinbosarlari kiritgan protestga ko`ra kassatsiya tartibida takroran ko`radi.

Jinoyat ishlari bo`yicha

Beshariq tuman sudining raisi                                                                F.Sobirov