Farg‘ona tumani Maktabgacha va maktab ta‘limi tasarrufidagi umumiy o‘rta ta‘lim maktablarining 6-10-sinf o‘quvchilari o‘rtasida milliy va umuminsoniy qadriyatlarni targ‘ib qilish, yosh avlodda vatanparvarlik, ma‘naviy etuklik va estetik didni shakllantirish hamda milliy teatr san‘atini rivojlantirish maqsadida “Turon maktab teatri” tanlovining tuman bosqichi bo‘lib o‘tdi. Tanlovda 4 ta sektorda g‘olib deb topilgan jamoalar o‘zaro bellashdilar. Ishtirokchilar 1-shartda – o‘z maktablarini she‘riy shaklda tanishtirib, videorolik namoyish etdilar, 2-shartda – berilgan 5 ta savolga javob berdilar, 3-shartda – o‘zlari tayyorlagan sahna ko‘rinishlarini mohirona ijro etdilar. Tanlov yakuniy natijalariga ko‘ra 🥇 1-o‘rinni – 7-maktabning "Jadidlar" jamoasi; 🥈 2-o‘rinni – 47-maktabning "Subhidam" jamoasi; 🥉 3-o‘rinni – 31-maktabning "Yosh aktyorlar" jamoasi egallab, g‘olib bo‘lishdi. Ushbu tanlov o‘quvchilar ijodiy salohiyatini rivojlantirish, milliy teatr san‘atiga bo‘lgan qiziqishini oshirish hamda ularning sahna madaniyatini shakllantirishga xizmat qiladi. G‘olib jamoalar keyingi bosqichda tumanni munosib himoya qilish uchun tayyorgarlikni davom ettiradilar.