Farg‘ona tumani “Inson“ ijtimoiy himoya markazi, 1- va 2-son sport maktabi hamda Yoshlar ishlari bo‘limi hamkorligida tumandagi 1-son sport maktabida «Besh tashabbus olimpiadasi» doirasidagi adaptiv sport musobaqalarining tuman bosqichi o‘tkazildi. Ushbu musobaqa nogironligi bo‘lgan shaxslarning jismoniy faolligini oshirish, ularni sportga keng jalb qilish va ijtimoiy faolligini kuchaytirish maqsadida tashkil etildi. Tadbir davomida ishtirokchilar bir qator sport yo‘nalishlarida o‘z mahoratlarini sinovdan o‘tkazishdi va sport maydonlarida haqiqiy kurash muhitini yaratishdi. Musobaqa yakunida g‘oliblikni qo‘lga kiritgan va faol ishtirok etgan ishtirokchilar tashkilotchilar tomonidan esdalik sovg‘alari bilan taqdirlandi. Bu esa ularga katta ruhiy dalda bo‘ldi va kelgusida ham sportga bo‘lgan qiziqishlarini mustahkamladi.